ԱՌԱՋՆՈՐԴԱՐԱՆ ԻՐԱՔԻ ՀԱՅՈՑ

مطرانية الارمن الارثوذكس في العراق

ԱՌԱՋՆՈՐԴԱՐԱՆ

Սբ. Աստուածածնայ Վերափոխման Տօնը Պաղտատի ՄԷջ

0816holymother

Հանդիսապետութեամբ՝ Հոգեշնորհ Տ. Գաբրիէլ վրդ. Սարգսեանի եւ հոգեւորականաց դասի, ինչպէս նաեւ համայնքիս երէցներու ներկայութեամբ, Օգոստոս 11-ին, Պաղտատի Սբ. Աստուածածին եկեղեցւոյ մէջ, հոծ թիւով հաւատացեալներու ներկայութեամբ կատարուեցաւ Սբ. Աստուածածնայ վերափոխման նախատօնակը եւ անուանակոչութեան նուէրներու բաշխում:

Օգոստոս 12-ին, Պաղտատի Ս. Գրիգոր Լուսաւորիչ Առաջնորդանիստ եկեղեցւոյ մէջ նշուեցաւ՝ եկեղեցւոյ չորրորդ տաղաւար տօնը, Հոգեշնորհ Տ. Գաբրիէլ վրդ. Սարգսեան սուրբ եւ անմահ պատարագի  ընթացքին քարոզեց եւ իր օրհնութեան խօսքը ըսաւ տօնին առիթով:  Ապա կատարուեցաւ խաղողօրհնէքի կարգը։

Օգոստոս 15-ին, Սբ. Աստուածածին եկեղեցւոյ մէջ, Տ. Գէորգ քհնյ. Արշակեան կատարեց ժամերգութիւն եւ քարոզխօսութիւն Սբ. Աստուածածնայ համաքրիստոնէական տօնին առիթով: Նշենք, որ Իրաքի մէջ Սբ. Աստուածածնայ եկեղեցին եւ յատկապէս Ս. Աստուածածնայ վերափոխման տօնը համաքրիստոնէական արժէք կը ներկայացնէ:

 

 

 

 

 

 

 

 

Print Friendly, PDF & Email
%d bloggers like this: